- 14 نوفمبر 2020
- 46
- 45
- 18
- الجنس
- ذكر
أنت تستخدم جهازك كل يوم لأغراض خاصة ولمهام يوميه, وهذا هو السبب انك لازم تاخذ إحتياطات لازمه لحمايه البي سي الخاص فيك من كل انواع التجسس او الفيروسات, نوع من برامج التجسس اللي صارت شائعه (الباتش او ما يعرف بالRAT بــRemote Access Trojan), وهذا الفيروس يمكًن المخترقين للوصول الى جهازك والقدرة على نسخ ملفاتك, حساباتك المرتبطه بالجهاز, والوصول الى الكاميرا, الميكرفون, الخ.
الباتشات غالبا تكون داخل برامج بشكل مخفي انت تنزلها - مثال لعبة (غير معرفه) - او برامج تنرسل لك على الايميل (من ايميل غريب "غالبا"), يحاولو يتصنعو وكأنهم برنامج حقيقي عشان يخدعوك وبمجرد تنزيلك للبرنامج وفتحه يوصلو لجهازك. الباتشات القويه بعض الأحيان يكون صعب كشفها لأنه بمجرد ما توصل لك رح تخفي نفسها من مدير المهام "التاسك منجر" ومارح تلاحظ تأثيرها على أداء البي سي.
اكثر قضايا الناس اللي يحاولون يوصلون لها المخترقين, هي قضايا ابتزاز بما انه المخترق عنده قدرة للوصول الى الكاميرا.
مخاطر انه جهازك يتعرض الى فايروسات هي مخاطر كثيرة جدا وابرزها
- (التجسس) جهازك يقدر يدخل له المخترق بأي وقت يبيه ويشوف انت وش مشغل من برامج, شراء, الخ.
- رصد المواقع اللي تقوم بزيارتها ولمين تكتب بريد, الخ.
- الحصول على معلوماتك السرية بطاقات إئتمانية, وتفاصيل حساباتك بالسوشل ميديا, حساباتك ستيم ومشغلات الألعاب الاخرى.
- القدرة على مسح ملفات الانظمه بجهازك وعلى تخريبه بشكل كامل.
كيف نحمي انفسنا من هذه الباتشات والفايروسات
- تأكد انه يكون عندك برنامج مكافحه الفيروسات (Anti-Virus) ويكون برنامج معروف وما يكون قديم ,عشان كل ما نزل فايروس جديد مطورينه يهتمو ويلغوه "تقدر تستخدم KasperSky أو McAfee من احسن برامج مكافحه الفيروسات اللي جربتها شخصيا واللي بدورها ما تأثر على أداء جهازك.
- لا تنزل برامج من مصدر غير معروف, او برامج تجيك من ناس غير معروفين او على إيميل من شخص مجهول, لأنها يمكن يكون داخلها الباتش.
- حدث برامجك او الويندوز اذا انطلب منك دائما, تحديث البرامج يحتوي غالبا على اصلاحات أمنية تحميك من ثغرات معينه.
- اهتم بالروابط اللي تضغط عليها اللي تجيك من مكان مجهول لأنه غالبا تكون تصيد إحتيالي, يعني لو جاك ايميل من شخص غير معروف وفتحت الرابط ولقيت انك لازم تحط معلومات حساب معين او بطاقة إئتمانيه (لا تحطها).
- غطي الكاميرا لو عندك ,لا تخليها دائما شغاله لو كانت مشبوكه على البي سي.
إذا كنت واحد من ضحايا اللي تم الوصول الى الويب كام الخاص فيه/ا, وتم تهديده, إبتزازة
يجب اللجوء الى الشرطه المحليه, او الإلكترونية اذا وجد في دولته.
